ShQO-da qaýipti áreket jasaǵan júrgizýshi men jolaýshy jaýapqa tartyldy
ASTANA. KAZINFORM – Áleýmettik jelilerde taraǵan Jol júrý qaǵıdalaryn óreskel buzý faktisi Shyǵys Qazaqstan oblysy polıtsııasynyń nazarynan tys qalǵan joq.
Áleýmettik jelilerde taraǵan Jol júrý qaǵıdalaryn óreskel buzý faktisi Shyǵys Qazaqstan oblysy polıtsııasynyń nazarynan tys qalǵan joq.
Beınejazbada jeńil avtokólik qozǵalys kezinde jolaýshy qaýipsizdik talaptaryn óreskel buzyp, denesin kóliktiń terezesinen syrtqa shyǵaryp otyrǵany kórinedi. Bul áreket óziniń ǵana emes, ózge de jol qozǵalysyna qatysýshylardyń ómiri men densaýlyǵyna qaýip tóndirgen.
Tekserý barysynda polıtsııa qyzmetkerleri oqıǵaǵa qatysýshylardy jedel anyqtady. Chevrolet Cobalt avtokóliginiń 27 jastaǵy júrgizýshisi jol qozǵalysy qaýipsizdigi talaptaryn buzǵany úshin jazalandy.
Sondaı-aq qozǵalys kezinde qaýipsizdik beldigin taqpaǵan jolaýshy da zańnamaǵa sáıkes jaýapkershilikke tartyldy.
Polıtsııa jol qozǵalysy qaǵıdalaryn saqtaý – árbir júrgizýshi men jolaýshynyń mindeti ekenin eske saldy.
Áserli beıne nemese foto túsirýge degen umtylys qaýipti áreketterge sebep bolmaýy tıis. Sebebi bir ǵana jaýapsyz qadam qaıǵyly jaǵdaıǵa alyp kelýi múmkin.
Aıta keteıik, elimizde 65 jastan asqan júrgizýshilerge qatysty medıtsınalyq tekserý máselesi qyzý talqylanyp jatyr. Keıbir azamattar muny jańa talap dep qabyldap, júrgizýshi kýáliginen aıyrylyp qalamyz ba degen alańdaýshylyq bildirdi. Osyǵan baılanysty Іshki ister mınıstrligi men Densaýlyq saqtaý mınıstrligi resmı túsindirme berip, qoldanystaǵy tártipti túsindirdi.
