ShQO-da qaýipsizdikti saqtamaǵan 53 balyqshy jaýapqa tartyldy
ÓSKEMEN. KAZINFORM – Shyǵys Qazaqstan oblysynda muzdaǵy qaýipsizdik erejelerin saqtamaǵan 53 balyqshy jaýapqa tartyldy.
ShQO Tótenshe jaǵdaılar departamenti baspasóz qyzmetiniń málimetine súıensek, muzdaǵy qaıǵyly jaǵdaılardyń aldyn alý úshin qutqarýshylar, polıtseıler men eriktiler reıdterge shyǵyp jatyr. Qys mezgiliniń basynan beri barlyǵy 3 000-nan astam reıd júrgizildi.
- Halyqqa sý aıdyndaryndaǵy qaýipsizdik erejeleri túsindirilip, jadynamalar taratylýda. Qaýipsizdik erejelerin buzǵan 53 balyqshy QR ÁQBtK-niń 412-baby boıynsha ákimshilik jaýapkershilikke tartyldy. Olarǵa 7 AEK (27 524) mólsherinde aıyppul salyndy, - deıdi departament bastyǵynyń orynbasary Ishar Savazov.
Qaýipsizdik erejelerine sáıkes, muz qalyńdyǵy 10 sm-dan kem bolǵanda ústine shyǵýǵa bolmaıdy. Muz betine shyǵý úshin onyń qalyńdyǵy 25 sm-den kem bolmaýy tıis. Ózińizben birge qutqarý keýdeshesi, ysqyryq, qarmaýshy qural, dıametri 12 metrden kem emes arqan, uzyndyǵy 2 metrden kem emes taıaq bolýy kerek.
Berik ári qaýipsiz muz kókshil nemese jasyl tústes keledi. Qalyńdyǵy 10 sm-den kem bolmaıdy.
Eske salsaq, osyǵan deıin Túrkistan oblysynda qaýipsizdik sharalaryn saqtamaıtyn balyqshylar kóptigi habarlanǵan.