ShQO-da qaýipti ýchaskede jasandy jolmen qar kóshkini túsirildi

ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, jıi qar jaýyp, qatty jel soǵýyna baılanysty «Óskemen-Gornaıa Ýlbınka-Severnoe» tasjolynda qar kóp jınalyp, kóshkin júrý qaýpi týǵan.

«Sondyqtan «Qazseldenqorǵaý» ShQ fılıaly tasjoldyń 2 ýchaskesinde jasandy jolmen qar kóshkinin túsirdi. Nátıjesinde, 6700 tekshe metr qar túsirilgen», - dep habarlady vedomstvo ókilderi.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.