ShQO-da qatty jel jedel járdem kóligin aýdaryp jiberdi
ÓSKEMEN. QazAqparat – Shyǵys Qazaqstan oblysynda qatty jelden jedel járdem kóligi jol jıegine qulap ketti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Shemonaıha aýdandyq aýrýhanasynyń jedel járdem kóligi jol apatyna ushyrady. Naýqasqa qaraı bara jatqan kólikte júrgizýshi men feldsher bolǵan.
«Jol-kólik oqıǵasy «Óskemen-Shemonaıha-Reseı Federatsııasynyń shekarasy» tasjolynyń 83-shaqyrymynda tirkeldi. Júrgizýshi aýa raıy jaǵdaıyn, naqty aıtqanda qatty jeldi eskermegendikten rýlge ıe bola almaı qaldy. Sonyń saldarynan kólik aýdarylyp, jol jıegine qulap ketken. Abyroı bolǵanda, eshkim zardap shekken joq», - dep habarlady vedomstvo ókilderi.
Tártip saqshylary júrgizýshige qatysty QR ÁQBtK-niń 610-baby 1-bóligi boıynsha ákimshilik hattama toltyrdy.
