ShQO-da qatty jel úılerdiń shatyryn ushyrdy
ÓSKEMEN. QazAqparat - Shyǵys Qazaqstannyń Zyrıan aýdanynda údeı soqqan jel kópqabatty úılerdiń shatyryn julyp, birneshe kólikti zaqymdady, dep habarlaıdy QazAqparat tilshisi.
Zyrıan qalasynda tús mezgilinde qatty jel turyp, Komarov kóshesiniń eki kópqabaty úıin shatyrsyz qaldyrdy. Ótken jyly ǵana jańalanǵan qańyltyr shatyr aýladaǵy kólikterdiń ústine qulaǵan. Áleýmettik jelige oqıǵa ornynan sýret pen vıdeo salýshylardyń aıtýynsha, jeldiń qatty bolǵany sonshalyq, qańyltyrmen birge astyndaǵy aǵashtar da julynyp ketken.
«Jelige taraǵan aqparattyń bárin oqıǵa kýágerleri taratyp otyr. Al tótenshe jaǵdaılar departamentine ázirge eshkim kómek surap habarlasqan joq» - deıdi departament qyzmetkeri Anastasııa Sklıar.
