ShQO-da qatty jel sportzal ǵımaratynyń shatyryn ushyryp áketti
ÓSKEMEN. QazAqparat –Shyǵys Qazaqstan oblysy Besqaraǵaı aýdanynda qatty jel sportzal ǵımaratynyń shatyryn ushyryp áketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, jyldamdyǵy sekýndyna 26 metrge jetetin qatty jeldiń saldarynan Ernazar aýylyndaǵy Sosnovskaıa orta mektebine janamalaı salynǵan sportzaldyń shatyry buzyldy. Mekemeniń jalpy aýdany – 291, 3 sharshy metr. Zardap shekken eshkim joq.
Aıta keteıik, TJD óńirdegi daýyldy eskertý týraly aldyn ala habarlaǵan bolatyn.
«Áli de turǵyndardy saq bolýǵa jáne úlken aǵashtardyń astynda turmaýǵa jáne avtokólik qoımaýǵa shaqyramyz. Sondaı-aq bılbordtardan jáne basqa da aspaly qurylymdardan, elektr jelilerinen múmkindiginshe alys bolý kerek. Jazataıym oqıǵalar bolmas úshin barynsha abaı bolǵan jón» , - dep habarlady vedomstvo ókilderi.
