ShQO-da qatty jel mektep shatyryn ushyryp áketti
ÓSKEMEN. QazAqparat – Shyǵys Qazaqstan oblysynda qatty jel mektep shatyryn ushyryp áketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 16 qańtarda Jarma aýdany Qapanbulaq aýylynda sekýndyna 32 metr jyldamdyqpen soqqan jel mektep shatyryn jartylaı ushyryp áketken. Zardap shekkender joq. Oqıǵa ornynda jergilikti atqarýshy organ ókilderinen quralǵan komıssııa músheleri jumys isteýde.
«Osy rette óńir halqyn aýa-raıynyń qolaısyzdyǵy men qatty jelge baılanysty qaýipsizdik sharalaryn qatań saqtaýǵa shaqyramyz! Elektr qýatynyń óshirilýine daıyn bolyńyzdar. Múmkindiginshe úıde otyrýǵa, eldi mekennen alystap shyqpaýǵa keńes beremiz», - dep habarlady vedomstvo ókilderi.
Esterińizge sala ketsek, osyǵan deıin Jarma aýdanynda qatty jel qazandyqtyń shatyryn ushyryp áketkenin habarlaǵan bolatynbyz.
