ShQO-da qatty jel kolledjdiń shatyryn ushyryp áketti
ALTAI. QazAqparat – Shyǵys Qazaqstan oblysy Altaı qalasynda qatty jel kolledjdiń shatyryn ushyryp áketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 18 mamyrda saǵat 23.40-ta Altaı qalasynda qatty jeldiń ekpini sekýndyna 17 metrge jetken. Sonyń saldarynan Kýrchatov kóshesindegi tórtqabatty Tehnıkalyq kolledjdiń shatyry ushyp ketti.
«Zardap shekken eshkim joq. Oqıǵa ornynda jergilikti atqarýshy organdar ókilderinen quralǵan komıssııa jumys isteýde», - dep habarlady vedomstvo ókilderi.
Osyǵan deıin TJD halyqqa daýyldyq eskertý týraly aldyn ala habarlaǵan bolatyn. «Kazgıdromet» RMK ShQ fılıalynyń aqparatyna sáıkes, Shyǵys Qazaqstan oblysynda 20 mamyrda kúndiz táýlik boıy jańbyr jaýady. Keı jerlerde naızaǵaı, daýyl, burshaq kútiledi.
