ShQO-da qatty jel qazandyqtyń shatyryn ushyryp áketti
ÓSKEMEN. QazAqparat - Shyǵys Qazaqstan oblysynda qatty jel qazandyqtyń shatyryn ushyryp áketti, dep habarlaıdy QazAqparat tilshisi.
ShQO TJD baspasóz qyzmetiniń málimetine súıensek, Jarma aýdany Shýaq aýylynda jyldamdyǵy sekýndyna 32 metrge jetetin jel turyp, qazandyq ǵımaratynyń shatyryn jartylaı ushyryp áketken. Zardap shekkender joq.
- Qazirgi ýaqytta sol jerde jergilikti atqarýshy organ ókilderinen quralǵan komıssııa músheleri jumys isteýde. Qazandyq ǵımaratynyń jalpy aýdany 1250 sharshy metrdi quraıdy, - dep habarlady vedomstvo ókilderi.
Osy rette, TJD óńir turǵyndaryna 16-17 qańtar kúnderi sekýndyna 30 metr jyldamdyqpen jel soǵatynyn eskertedi.
