ShQO-da qatty jel birneshe ǵımarattyń shatyryn ushyryp áketti
ÓSKEMEN. QazAqparat – Shyǵys Qazaqstan oblysynyń eki aýdanynda qatty jel birneshe ǵımarattyń shatyryn ushyryp áketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, osymen ekinshi kún qatarynan aımaqta qatty jel týraly daýyldy eskertý jarııalanǵan. Ulan men Zaısan aýdandarynda jeldiń qatty bolǵany sonsha birneshe ǵımarattyń shatyryn ushyryp jiberdi.
Ulan aýdany Asýbulaq aýylyndaǵy jalpy aýmaǵy 226 sharshy metrge jetetin aýrýhana ǵımaratynyń shatyry zaqymdanǵan.
«Zaısan qalasynda jeldiń jyldamdyǵy sekýndyna 28 metrge deıin jetip, sonyń saldarynan Kondıýrın kóshesindegi turǵyn úıdiń, M. Daýlenov atyndaǵy mektep-ınternattyń, Áýezov atyndaǵy mektep pen Boqajanov kóshesindegi ǵımarattyń shatyry búlindi», - dep habarlady vedomstvo ókilderi.
