ShQO-da qatty aıazǵa baılanysty sabaqtar ótkizilmeıtin boldy
ÓSKEMEN. QazAqparat - 13 qarashada Shyǵys Qazaqstan oblysynyń birqatar eldi mekeninde qatty aıazǵa baılanysty sabaq bolmaıdy, dep habarlaıdy QazAqparat oblystyq TJD saıtyna silteme jasap.
Óńirlik bilim basqarmasynyń aqparaty boıynsha, búgin Zyrıan aýdanynda 34 gradýs aıazǵa baılanysty 1-11 synyp aralyǵynda, Rıdder qalasynda -24 aıazǵa baılanysty 1 aýysymdaǵy 1-4 synyp aralyǵynda, Aıagóz aýdanynda 31 aıazǵa baılanysty 1 aýysymdaǵy 1-9 synyp aralyǵynda sabaqtar bolmaıdy. Sonymen qatar, Kókpekti aýdanynda -27 aıaz, 1 aýysymdaǵy 1-11 synyp aralyǵynda jáne kolledjderdiń 1-2 kýrstarynyń stýdentteri búgin oqymaıdy.
Úrjar aýdanynda -33 aıaz, 1-9 synyp aralyǵyndaǵy sabaqtar bolmaıdy.
Eske sala ketsek, elimizdiń shyǵysynda qatty aıaz bolyp tur. Sondyqtan keshe de Shemonaıha aýdany, Rıdder qalasynda sabaqtar ótkizilmedi.
