ShQO-da qatty aıaz paromdardy toqtatty
ÓSKEMEN. QazAqparat - Shyǵys Qazaqstan oblysynyń Kúrshim aýdanyndaǵy ótkelde qatty qysqan aıazǵa baılanysty jumadan bastap paromdar qozǵalysy toqtatyldy, dep habarlaıdy «QazAqparat» HAA tilshisi ShQO TJD-ne silteme jasap.
«ShQO jolaýshyar kóligi jáne avtomobıl joldary basqarmasy» MM-niń málimetteri boıynsha 2018 jylǵy 5 qańtardan bastap «Qalqymaly ótkel» JShS paromdar qozǵalysyn toqtatady», - delingen habarlamada.
Buryn habarlanǵanyndaı, óńirde úsh kúnnen beri 30 gradýs nólden tómen temperatýra saqtalyp tur. Túnde aýa temperatýrasy mınýs 28-33 gradýsqa deıin tómendep, kúndiz 22-27 gradýs aınalasynda bolady. Aýdandardyń kópshiliginde tańerteń tuman túsip, soltústikten soqqan jeldiń jyldamdyǵy sekýndyna 9-14 metrge jetedi.
Quıǵan aýyldyq okrýgi ákiminiń tapsyrmasyna sáıkes, muzdyń juqalyǵyna baılanysty «Qyzyl tý» ótkeline avtokólikterdiń júrýine tyıym salyndy. Qazirgi kezde oblystyq ortalyqpen baılanys «Kúrshim - Úlken Naryn - Zyrıan» jáne «Kúrshim - Zaısan» baǵyttarymen júrip jatyr.
