ShQO-da qatty jelden qaıyqpen jaǵaǵa jete almaı qalǵan eki adam qutqaryldy
ÓSKEMEN. KAZINFORM – Shyǵys Qazaqstan oblysynda qutqarýshylar qolaısyz aýa raıynda sý aıdynynda qalǵan azamattarǵa kómek kórsetti.
ShQO Tótenshe jaǵdaılar departamenti baspasóz qyzmetiniń málimetine súıensek, Ulan aýdany Aıyrtaý aýylyndaǵy Kamenskoe sý qoımasy mańynda demalyp júrgen 1997 jyly týǵan er adam men 1999 jyly týǵan áıel qaıyqta otyrǵan.
- Jeldiń kúrt kúsheıýine baılanysty olar ózdiginen jaǵalaýǵa jete almaǵan. Azamattarǵa kómekke jedel túrde qutqarýshylar keldi. Olar er adam men áıeldi jaǵaǵa aman-esen jetkizdi, - delingen aqparatta.
Azamattarǵa medıtsınalyq kómek qajet bolǵan joq.
Eske salsaq, osyǵan deıin Semeıde jattyqtyrýshy sýǵa batyp bara jatqan balany qutqarǵany habarlanǵan.
