ShQO-da qaterli isik aýrýlarynyń aldyn alý boıynsha onkúndik bastaldy
ShQO Densaýlyq saqtaý basqarmasy baspasóz qyzmetiniń málimetine súıensek, obyrǵa qarsy dúnıejúzilik kúres kúni aıasynda 1 aqpanda óńirde onkologııalyq aýrýlardyń aldyn alý boıynsha onkúndik bastaldy.
«Bundaǵy maqsaty - onkopatologııa aýyrtpalyǵyn tómendetý jónindegi jahandyq máselege qoǵamnyń nazaryn aýdartý, medıtsına qyzmetkerleriniń onkologııalyq aýrýlardy aldyn alý jáne erte anyqtaý máselesine qatysty bilimin arttyrý, halyqty skrınıngtik tekserýlerden ótip turý qajettiligi jóninde aqparattandyrý. ShQO Kópsalaly onkologııa jáne hırýrgııa ortalyǵynda atalmysh on kúndik aqparattandyrý aktsııasy retinde ótedi», - delingen aqparatta.
Ortalyqtyń áleýmettik jelidegi resmı paraqshalarynda dárigerlermen tikeleı efırler uıymdastyrylmaq. 10 kún ishinde BAQ arqyly aımaq jurtshylyǵyna barynsha paıdaly, ári qajetti aqparat taratý kózdelgen. Sonymen qatar aqpannyń 5-i kúni saǵat 9.00-den 13.00-ge deıin Kópsalaly onkologııa jáne hırýrgııa ortalyǵynda qaterli isikti erte anyqtaýǵa baǵyttalǵan Ashyq esik kúni ótedi.