ShQO-da qatań rejımdegi túrmede nekege tirkeý rásimi onlaın ótti
NUR-SULTAN. QazAqparat - OV-156/15 mekemesinde onlaın-tirkeý ótti, dep habarlaıdy QazAqparat Polisia.kz-ke silteme jasap.
Sottalýshy R. men onyń súıiktisi ekeýi úshin aýyr joldy birge ótkizýdi jón dep tapqan. Qalyńdyq neke qııý rásimin onlaın-rejımde ótkizý úshin Azamattyq hal aktilerin tirkeý (AHAT) qyzmetkerimen birge keldi. Kúıeý jigit ekrannyń arǵy betinde boldy.
Qalyńdyq onyń neke qııý týraly kýálikke qalaı qol qoıǵanyn baqylap otyrsa, AHAT qyzmetkeri olarǵa negizgi suraqtardy qoıdy: olar ómirdi birge ótkizýge daıyn ba, bul sheshim eki jaqtyń kelisimimen qabyldanǵan ba? Kúıeý jigit pen qalyńdyq kompıýter monıtory arqyly «ıá» dep jaýap berdi.
Jastar bir-birine júzik berdi, biraq kúıeý jigit tek bostandyqqa shyqqan soń taǵatyn bolady. Rásimge sottalýshynyń ákesi qatysyp, jastardy quttyqtady jáne qalyńdyqqa gúl syılady.
«Jastarǵa otbasylyq baqyt tileımiz jáne tezirek bir-birlerine qosylyp, balalaryn tárbıeleýlerine tilektespiz», - dedi ShQO Qylmystyq-atqarý júıesi departamentiniń baspasóz qyzmetiniń ókilderi.
