ShQO-da Qasym Qaısenovke arnalǵan kórme ashyldy

ÓSKEMEN. QazAqparat – Shyǵys Qazaqstan oblystyq etnografııalyq mýzeıinde Qazaqstan Jazýshylar odaǵynyń múshesi, Halyq Qaharmany Qasym Qaısenovtiń shyǵarmashylyǵyna arnalǵan kórme ashyldy, dep habarlaıdy QazAqparat tilshisi.

Kórmede jazýshynyń mýzeı-qoryqtyń qor toptamasynan alynǵan kitaptary, kıimderi jáne memorıaldyq buıymdary qoıylyp otyr.

«Munda elimiz táýelsizdik alǵan jyldary Qasym Qaısenovtiń «Halyq qaharmany» ataǵyn Elbasymyzdyń qolynan alǵan kezdegi fotosýreti saqtalǵan. Budan bólek kórmege batyrdyń jumys ústeli, jazý quraldary qoıylǵan. Sondaı-aq Qasym Qaısenovke jerlesteri tartý etken granıtten jasalǵan qalam qoıǵysh ta osynda saqtaýly tur, - dedi oblystyq etnografııalyq mýzeı dırektorynyń orynbasary Gúljan Kashaký.