ShQO-da kásiporyndardyń jumysshylarǵa 11,5 mln teńgeden astam qaryzy bar
ÓSKEMEN. KAZINFORM - Shyǵys Qazaqstan oblysynda jumysshylardyń eńbek máseleleri boıynsha shaǵymdary kúrt artty.
Oblystyq memlekettik eńbek ınspektsııasy departamentiniń málimetinshe, 2026 jyldyń birinshi toqsanynda jumysshylardan 588 ótinish kelip túsken. Bul ótken jyldyń sáıkes kezeńimen salystyrǵanda eki esedeı kóp.
Onyń ishinde 572 ótinish eńbek qatynastaryna qatysty. Ózekti máselelerdiń biri - jalaqy boıynsha bereshek. Sáýir aıynyń ortasyna qaraı úsh kásiporynda jumysshylar aldyndaǵy qaryz kólemi 11,6 mln teńgeni qurap otyr.
- Túsken ótinishterge baılanysty 83 tekseris júrgizilip, nátıjesinde eńbek zańnamasynyń júzden astam buzýshylyǵy anyqtaldy. Jumys berýshilerge zańbuzýshylyqtardy joıý týraly nusqamalar berildi. Jalaqy boıynsha bereshek máselesi baqylaýda, - dedi departament basshysynyń orynbasary Qaırat Ábilqaıyrov.
Sonymen qatar óńirde óndiriste jaraqat alý deńgeıi tómendegeni baıqalady. Jyl basynan beri 21 jazataıym oqıǵa tirkelgen, bir adam kóz jumǵan. Jalpy kórsetkish 12,5%-ǵa tómendegen.
Eske salsaq, osyǵan deıin prokýratýranyń aralasýymen ekibastuzdyq jumysshylarǵa 20 mıllıon teńge jalaqy qaıtarylǵany habarlanǵan.
