ShQO-da kásipkerlik qyzmetke zańsyz aralasqany úshin 2 laýazymdy tulǵa jaýapqa tartyldy

ÓSKEMEN. KAZINFORM — Shyǵys Qazaqstan oblysynda 1266 kásipkerdiń quqyǵy qorǵalyp, bızneske qatysty 2 júıeli másele sheshildi jáne 11 ınvestorǵa qoldaý kórsetildi.

Shyǵys Qazaqstan oblysynda ınvestorlardy qoldaý jáne kásipkerlerdiń quqyqtaryn qorǵaý boıynsha prokýratýranyń júıeli jumysy jalǵasýda.

Jyl basynan beri prokýrorlyq sharalar nátıjesinde 1266 kásipkerdiń quqyǵy qorǵaldy, bızneske qatysty 2 júıeli másele sheshildi jáne 11 ınvestorǵa qoldaý kórsetildi.

— Kásipkerlik qyzmetke zańsyz aralasqany úshin Ákimshilik quqyq buzýshylyq týraly kodekstiń 173-baby boıynsha 2 laýazymdy tulǵa jaýaptylyqqa tartyldy, — delingen habarlamada.

Bıznespen ashyq dıalogty qamtamasyz etý maqsatynda prokýratýra «Atameken» kásipkerler palatasymen birlesip, kásipkerlerdiń qatysýymen 42 kezdesý ótkizdi.

Sońǵy mysaldardyń biri — «Altaıskaıa Forel» JShS-ne qatysty jaǵdaı.

— Kásipkerge balyqty tasymaldaý úshin qajetti veterınarlyq anyqtama birneshe ret berilmeı kelgen. Buǵan sebep zańnamada kózdelmegen, balyqtyń shyǵý tegi týraly qujatty talap etý bolǵan. Bul talap kásiporyn jumysynyń toqtaýyna ákelgen. Prokýratýranyń aralasýynan keıin kásipkerdiń quqyǵy qalpyna keltirildi, anyqtama berildi, — delingen prokýratýra habarlamasynda.