ShQO-da kásipkerler maqsatsyz paıdalanylǵan jer telimderin óz erikterimen qaıtarýda

ÓSKEMEN. QazAqparat – Shyǵys Qazaqstan oblysynda keıbir kásipkerler maqsatsyz paıdalanylǵan jer telimderin óz erikterimen memleketke qaıtaryp jatyr, dep habarlaıdy QazAqparat tilshisi.

Búgingi tańda óńir Qazaqstanda sút jáne et óndirý boıynsha aldyńǵy qatarda. Shyǵys Qazaqstanda tek shıkizat alynyp qana qoımaı, aýyl sharýashylyǵy ónimderi de óńdeledi. Osy rette, mal sharýashylyǵyn damytý jáne asyl tuqymdy mal basyn kóbeıtý úshin jaıylymdar men bordaqylaý alańdary kerektigi baıqalady.

Aımaq basshysy Danıal Ahmetov oblystyq máslıhattyń jetinshi sessııasynda paıdalanylmaı bos jatqan jerler egjeı-tegjeıli taldaý júrgizilgen soń tárkilenip, jaıylymdy qajet etip otyrǵan sharýa qojalyqtaryna beriletindigin aıtty. Al keıbir kásipkerler maqsatsyz paıdalanylǵan jer telimderin óz erikterimen memleketke qaıtarýda.

«Maıly daqyldar, raps, soıa jáne júgeri óndirisin ulǵaıtyp, ósimdik sharýashylyǵyn odan ári damytý úshin egistik alqaptaryn ártaraptandyrý maqsatynda kóptegen jumystar júrgizilýde. Eki maı ekstraktsııalaý zaýyty salynyp, qaıta óńdeý máselesi sheshiledi. Osylaısha, sharýagerler kúnbaǵysty qaıda satamyn dep bas qatyrmaıtyn bolady», - dedi Danıal Ahmetov.