ShQO-da kásipker jumysshylaryn aqyly eńbek demalysyna jiberip, azyq-túlikpen qamtamasyz etti
ÓSKEMEN. QazAqparat – Shyǵys Qazaqstan oblysy Borodýlıha aýdany Dmıtrıevka aýylyndaǵy «Shyǵys» sharýa qojalyǵynyń basshysy óz jumysshylaryna birqatar kómek kórsetti, dep habarlaıdy QazAqparat.
«Elimizde koronavırýstyń taralýyna tosqaýyl qoıý maqsatynda tótenshe jaǵdaı engizildi. Mamandar halyqqa úıde otyr dep keńes berýde. Osy rette «Shyǵys» sharýa qojalyǵynyń basshysy Lıýdmıla Stýpak óz jumysshylarynyń árqaısysyn 100 keli un, 10 keli qant, 10 lıtr kúnbaǵys maıymen qamtamasyz etti. Barlyǵyn TJ aıaqtalǵanǵa deıin aqyly eńbek demalysyna jiberip, olarǵa jeke gıgıena zattary men dezınfektsııalaý quraldaryn alýǵa 30 000 myń teńgeden bergen», - deıdi ShQO Kásipkerler palatasynyń baspasóz hatshysy Hrıstına Doroshenko.
Onyń aıtýynsha, kásipker ákimdikpen birlesip birneshe márte paıdalanýǵa bolatyn 1000 dana medıtsınalyq maska tigip, aýyl turǵyndaryna taratyp bergen.
