ShQO-da kásip ashqysy keletin jastarǵa 606 grant berilgen
ShQO Jumyspen qamtý jáne áleýmettik baǵdarlamalardy úılestirý basqarmasy basshysynyń orynbasary Doshan Qaıyrǵazınovtyń aıtýynsha, óńirde «Eńbek» nátıjeli jumyspen qamtý baǵdarlamasy aıasynda birqatar sharalar atqarylǵan.
«Osy rette, 29 jasqa deıingi jastarǵa erekshe nazar aýdaryldy. Olarǵa tehnıkalyq jáne kásiptik bilim alýǵa múmkindik jasalǵan. Búginde oblys boıynsha 4365 adam oqýyn jalǵastyrýda. 1832 adam oqýyn támámdap, onyń ishinde 1712-i jumysqa ornalastyryldy. Bul dıplom alǵandardyń 93 paıyzy», - dedi ol.
Doshan Qaıyrǵazınovtyń sózinshe, «Bastaý Bıznes» jobasy boıynsha kásipkerlik negizderine 362 adam oqytylǵan. Onyń 212-si NEET sanatyndaǵy jastar.
«Ótken jyly jastarǵa bıznes-ıdeıalaryn júzege asyrýǵa 354 mıllıon teńgege 606 grant berilgen. Bıyl kásipkerlikti damytýdyń 2021-2025 jyldarǵa arnalǵan ulttyq jobasyn iske asyrý sheńberinde jastarǵa jáne azamattardyń áleýmettik osal sanattaryna kásip ashý úshin barlyǵy 1 138 grant berý josparlanyp otyr. Onyń ishinde 581 grant jastarǵa beriledi», - dedi oblystyq Jumyspen qamtý jáne áleýmettik baǵdarlamalardy úılestirý basqarmasy basshysynyń orynbasary.