ShQO-da qashyp júrgen qylmysker alys qystaqtan ustaldy
ASTANA. QazAqparat - Shyǵys Qazaqstan oblysy Polıtsııa departamentiniń qyzmetkerleri qashyp júrgen qylmyskerdi alys qystaqtan ustady, dep habarlaıdy QazAqparat tilshisi.
Departamenttiń baspasóz qyzmetinen habarlanyp otyrǵandaı, vedomstvo respýblıkalyq «Qaraqshylyq» jedel-izdestirý sharasyn ótkizip, eki kúnniń ishinde oblys aýmaqtarynda jiti tekserý jumystaryn júrgizgen. Naqtyraq aıtqanda, urlanǵan múlik saqtalýy múmkin 53 oryn tekserilip, qylmys jolymen múlikti jasyrý boıynsha 1 jaǵdaı tirkelgen. Bul qylmysqa qatysty eki oblys turǵynynyń ústinen qylmystyq is qozǵalǵan.
«Sonymen birge, izdeýde júrgen adamdardy tabý boıynsha jedel-izdestirý sharalary júrgizildi. Alystaǵy jaıylymdar men sharýa qojalyqtardy tekserý barysynda Tarbaǵataı aýdanynda qashyp júrgen qylmyskerlerdiń biri ustaldy. 29 jastaǵy jigit buryn Zyrıan aýdanynda qaraqshylyq jasap, polıtsııaǵa ustatpaı, qashyp júrgen qylmysker bolyp shyqty», - delingen ShQO PD baspasóz qyzmetiniń habarlamasynda.
