ShQO-da qashyqtan oqyp jatqan oqýshylar sany 30 myńǵa jýyqtady

ÓSKEMEN. KAZINFORM – Shyǵys Qazaqstan oblysynda maýsymdyq ınfektsııa juqtyrǵandar sanynyń kóbeıýine baılanysty onlaınǵa oqýǵa kóshirilgen synyptar sany da artyp keledi.

ShQO Bilim basqarmasy baspasóz qyzmetiniń málimetine súıensek, 21 qarashadaǵy jaǵdaı boıynsha 107 mekteptegi 1 504 synyptyń 27 610 oqýshysy onlaın oqysa, 24 qarashada 111 mekteptegi 1 614 synyptyń 29 479 oqýshysy ýaqytsha qashyqtan oqýǵa kóshirilgen.

Onyń ishindegi 14 361-i maýsymdyq ınfektsııa juqtyrǵan. ıAǵnı, aýyrǵan balalar sany artyp keledi.

Oblysta 381 balabaqshada 27,4 myń bala bilim alady. Mektepke deıingi mekemelerdegi naýqastar sany – 5 874. Búginde barlyq balabaqsha shtattyq rejımde jumys istep tur.

- Bilim ordalarynda qashyqtan oqytýǵa kóshý synyptaǵy oqýshylardyń 30%-dan astamynyń syrqattanyp qalǵany medıtsınalyq anyqtamamen rastalǵan jaǵdaıda qabyldanady. Jalpy oblys mektepterinde oqý protsesi barlyq sanıtarlyq talapqa sáıkes uıymdastyrylǵan, - delingen aqparatta.

Eske salsaq, osyǵan deıin Shyǵys Qazaqstan oblysynda oqýshylar arasynda maýsymdyq ınfektsııa juqtyrǵandar sany kóbeıgendikten, sabaq onlaın formatqa aýysyp jatqany habarlanǵan.