ShQO-da káriz qudyǵynda jumys júrgizip jatqan jumysshylar ýlanyp qaldy
ASTANA. KAZUNFORM - Shyǵys Qazaqstan oblysy, Glýbokoe aýylynda káriz qudyǵynda jumystar júrgizý kezinde úsh jumysshy gazǵa ýlandy, dep habarlaıdy QR Tótenshe jaǵdaılar mınıstrliginiń baspasóz qyzmeti.
Glýbokoe aýdany Tótenshe jaǵdaılar basqarmasynyń bastyǵy Konstantın Borovıkov pen aýdan ákimi apparatynyń TJ jáne azamattyq qorǵaý salasy boıynsha bas mamany Temirlan Keńesqanov oqıǵa ornyna birinshi bolyp kelip, qudyqtan ýlanǵan eki adamdy alyp shyqty. Taǵy bir er adam ózdiginen syrtqa shyǵyp, qutqarýshylardy shaqyrǵan.
-Zardap shekkender medıtsınalyq kómek kórsetý úshin aýdandyq ortalyq aýrýhanaǵa jetkizildi,-delingen habarlamada.
Aıta keteıik, ShQO-da jylytý maýsymynda órtten 20-dan astam adam kóz jumdy.
