ShQO-da káriz qudyǵynda gazǵa ýlanǵan 3 adamnyń densaýlyǵy qalaı
ÓSKEMEN. KAZINFORM — Shyǵys Qazaqstan oblysy Glýbokoe aýdanynda káriz qudyǵynda jumys istep jatyp, gazǵa ýlanǵan 3 adamnyń qazirgi jaǵdaıy belgili boldy.
Oqıǵa keshe Glýbokoe aýylynda bolǵan edi. Káriz qudyǵynda jumystar júrgizý kezinde úsh jumysshy gazben ýlanǵan.
Qazirgi ýaqytta ekeýi ambýlatorııalyq emdeýge jiberilip, bireýi aýrýhanaǵa jatqyzyldy. Olarǵa barlyq qajetti em-dom júrgizildi. Bul týraly ShQO densaýlyq saqtaý basqarmasynan málim etti.
— Aýrýhanaǵa jatqyzylǵan 53 jastaǵy er adam sımptomatıkalyq em men ınfýzıondy terapııa alyp jatyr. Onyń ómiri men densaýlyǵyna eshqandaı qaýip tónip turǵan joq, — dedi basqarmanyń baspasóz hatshysy Ásem Qaıratbek.
Eske salsaq, osyǵan deıin Abaı oblysyndaǵy Orlov shahtasynda eki jumysshy ýlanyp, bireýi aýrýhanada bara jatqan jolda qaza bolǵany habarlanǵan.
