ShQO-da qaryz bergen turǵyndar 20 mln teńgege aldanǵan
ÓSKEMEN. QazAqparat - Óskemendik er adam alaıaqtyqtyń jańa túrin oılap tapty, dep habarlaıdy QazAqparat tilshisi.
ShQO polıtsııa departamentiniń habarlaýynsha, kúdikti tanymal jarnama saıttary arqyly paıyzben qaryz alatynyn habarlaǵan. Osylaısha 2 jyl boıy aqshaly adamdardy aldap kelgen.
«Óz isinen kúdik týdyrmas úshin ol qaryz berýshilermen depozıt ashý týraly kelisimsharttar jasasyp otyrǵan. Ol shartta qaryzdyń aı saıynǵy ósimi 8,5 paıyz dep kórsetilgen. Jedel izdestirý arqyly kúdiktiniń kim ekeni anyqtaldy. Búginge deıin 36 jastaǵy óskemendik er adamnyń ústinen 28 aryz tústi. Jalpy shyǵyn kólemi - 20 mln teńge», - delingen departament dereginde.
Qazir kúdikti Óskemen qalasyndaǵy ýaqytsha qamaý ızolıatorynda otyr. Ústinen QR qylmystyq kodesiniń 190-baby boıynsha sotqa dıingi tergeý bastaldy.
