ShQO-da qarttarǵa arnalǵan «Ýba» shıpajaıy qaıta ashyldy
ÓSKEMEN. QazAqparat – Shyǵys Qazaqstan oblysynda Qarttar kúnine oraı «Ýba» shıpajaıy qaıta ashyldy, dep habarlaıdy QazAqparat tilshisi.
Oblys ákimi Danıal Ahmetov jurtshylyqty Qarttar kúnimen quttyqtap, pandemııa kezeńinde zeınetkerlerdiń qaýipsizdigin qamtamasyz etýge barynsha kúsh salý kerektigin atap ótti.
«Aqyly darııa ardagerlerimiz óskeleń urpaq úshin jankeshti eńbektiń, Otanǵa degen súıispenshiliktiń beınesi. Olar qıynshylyqtyń ne ekenin jáne oǵan qarsy turýdyń joldaryn jaqsy biledi. Qazynaly qarııalarymyz - meıirimdilik pen qamqorlyqtyń nyshany. Sondyqtan, ardagerdi ardaqtap, laıyqty qurmet kórseteıik», - dedi ol.
Merekege oraı Ýba shıpajaıynda saltanatty shara ótti. Bul shıpajaı bir jyldan keıin óz jumysyn qaıta bastap otyr. Pandemııa kezinde shıpajaı ǵımaraty Densaýlyq saqtaý basqarmasynyń qaramaǵyna berilip, ýaqytsha medıtsınalyq ortalyq retinde paıdalanyldy. Endi mundaǵy 100 oryndyq jataqhana ǵımaraty kúrdeli jóndeýden ótip, shıpajaı óz qonaqtaryn qaıtadan qarsy ala bastady. Qazirdiń ózinde munda 80 adam emdelýge jáne demalýǵa keldi. Olarǵa kontserttik baǵdarlama da uıymdastyrylǵan.
Aıta keteıik, jyl saıyn osynda 5500 adam kýrorttyq em qabyldaıdy. Shıpajaıda medıtsınalyq protsedýranyń 29 túri bar.
