ShQO-da qarmaqtaǵy balyqty alý úshin sýǵa túsken er adam batyp ketti
ÓSKEMEN. QazAqparat – Shyǵys Qazaqstan oblysy Glýbokoe aýdanynda qarmaqqa ilikken balyqty alý úshin sýǵa túsken er adam batyp ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetinshe, búgin Opytnoe pole aýylynyń turǵyny balyq aýlaýǵa shyqqan. Kenet úlken balyq iligip, qarmaǵy sýǵa qulap ketken. Oljasynan aıyrylǵysy kelmegen er adam artynan júzip, sálden soń bata bastaǵan.
«Buz mezette jaǵada turǵan onyń áıeli jan-jaǵyna aıqaılap, kómekke shaqyrǵan. 100 metrdeı qashyqtyqta bolǵan eki balyqshy lezde kómekke umtylyp, ony sýdan alyp shyqqan. Úsheýi de oǵan alǵashqy kómek kórsetýge tyrysqan», - delingen vedomstvo málimetinde.
Oqıǵa ornyna jedel járdem mamandary kelip jetkenshe 46 jastaǵy azamat kóz jumǵan.
