ShQO-da qarǵyn sýdy burý jumystary júrgizilip jatyr
ÓSKEMEN. QazAqparat – Shyǵys Qazaqstan oblysynda qarǵyn sýdy burý jumystary júrgizilip jatyr, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar men Borodýlıha aýdany Orlovka aýylyndaǵy jergilikti atqarýshy organ ókilderi sýdy sorý jumystaryn aıaqtady. Sonyń nátıjesinde, barlyǵy 60 tekshe metr sý tartylǵan. Uzyndyǵy 300 metr, tereńdigi 2,5 metrge jetetin sý aǵyzatyn kanal eldi mekennen tys jerde daıyndaldy. Qarǵyn sýdy burý jumystary júrgizilip, 700 dana ydys-qap tóseldi.
«Sondaı-aq «Oblshyǵysjol» JShS jáne Jezkent taý-ken baıytý kombınatynyń qyzmetkerleri «Borodýlıha-Jezkent» tasjolyna ınertti materıaldar tósegen. Búgingi tańda sý basý qaýpi seıildi. Táýlik boıy monıtorıng júrgizilýde», - delingen habarlamada.
Kókpekti aýdanynyń Samar aýylynda jáne Altaı aýdanynda QR TJM №52859 áskerı bóliminiń kúshteri sý tasqynyna qarsy jumystardy qolǵa alǵan. 50 adamnan turatyn jeke quram 5360 metr aryq pen sý burý arnalaryn, 38 metr sý ótkizý nysandaryn tazalap, 38 úı mańyndaǵy aýmaqtan qar shyǵardy. Budan bólek, ınertti materıaly bar 2320 dana ydys-qap daıyndalyp, uzyndyǵy 45 metr muz kesý jumystary júrgizilgen. Qazir mundaǵy muz qalyńdyǵy – 1,5 metrdi quraıdy.
