ShQO-da qarǵa batqan júk kóligi kúre joldy bógegen
ÓSKEMEN. QazAqparat - Shyǵys Qazaqstan oblysynda qarǵa batqan KamAZ saldarynan 20-dan astam kólik jolda qaldy, dep habarlaıdy QazAqparat.
ShQO Tótenshe jaǵdaılar departamentiniń habarlaýynsha, 27 qańtar kúni keshki ýaqytta Bajenovo aýyly men Shúlbi kentiniń arasyndaǵy tasjolda 20-ǵa jýyq kólik qar qursaýynda qalǵan.
«№40 órt sóndirý bóliminiń qutqarýshylary sol jerge dereý jetti. Anyqtalǵandaı, kómir tıegen KamAZ júk kóligi qarǵa batyp qalyp, 23 kóliktiń jolyn bógegen. Shúlbi kentinen kelgen arnaıy tehnıka joldy tazartyp berdi. Qutqarýshylar ishinde 38 adam otyrǵan 23 kóliktiń atalmysh kentke jetýine kómektesti», delingen vedomstvo málimetinde.
