ShQO-da qaraýsyz jaıylǵan 50 jylqy tasjoldy bógegen

ÓSKEMEN. QazAqparat – Shyǵys Qazaqstan oblysynda elý jylqy tasjol boıynda qaraýsyz jaıylyp júrgen, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «Óskemen-Semeı» tasjolynyń 53 shaqyrymynda jaıylyp júrgen 52 jylqy avtokólikterdiń qozǵalysyna qaýip tóndirdi.

Ulan aýdandyq polıtsııa bóliminiń qyzmetkerleri jylqylardy aıdap áketip, ıesiz mal jaıylatyn ýchaskege jetkizdi. Kóp uzamaı jaıylym erejelerin buzǵan kásipker anyqtalyp, ákimshilik jaýapkershilikke tartyldy.

«Polıtsııa aýyl ákimine QR Aýyl sharýashylyǵy mınıstriniń buıryǵymen bekitilgen aýyl sharýashylyǵy janýarlaryn jaıý erejelerine sáıkes jaıylym uıymdastyrýdy usyndy», - dedi ShQO Polıtsııa departamentiniń bastyǵy Saǵat Mádıev.