ShQO-da qarashanyń sońyna deıin 650 adam revaktsınatsııadan ótýi tıis
ShQO Densaýlyq saqtaý basqarmasy baspasóz qyzmetiniń málimetine súıensek, Óskemen jáne Semeı qalalarynda COVID-19 vırýsyna qarsy revaktsınatsııa naýqany bastaldy. Qazirgi kezde revaktsınatsııa jasaý úshin ınaktıvtendirilgen QazVac jáne Sinopharm vaktsınalary qoljetimdi.
«Koronavırýsqa qarsy revaktsınatsııa vektorlyq vaktsınadan soń 9 aıdan keıin júrgiziledi. Al ınaktıvtendirilgen jáne m-RNK-vaktsınadan soń 6 aıdan soń salynady. Óńir boıynsha qarasha aıynyń sońyna deıin 650 adam revaktsınatsııadan ótedi dep josparlanǵan», - delingen aqparatta.
Sondaı-aq oblys emhanalarynda júkti jáne bala emizetin áıelderge, 12-18 jas aralyǵyndaǵy balalarǵa Pfizer vaktsınasyn salý naýqany júrgizilip jatyr. Qazirgi tańda osy sanattaǵy 5500-ge jýyq adam ekpe alǵan.
