ShQO-da qarasha aıynda aýa raıy jaýyndy biraq jyly bolmaq
ÓSKEMEN. KAZINFORM — Shyǵys Qazaqstan oblysynda qarasha aıynda aýa raıy salystyrmaly túrde jyly bolady dep boljanyp otyr.
«Qazgıdromet» RMK ShQO fılıalynyń málimetinshe, óńirde qarasha aıyndaǵy aýanyń ortasha temperatýrasy klımattyq normadan 2 gradýsqa joǵary bolady dep kútilýde.
— Aıdyń basy jyly bolady. Kúndiz aýa temperatýrasy +5…+10°C-qa deıin kóterilse, túnde 0…+5°C aralyǵynda qubylady. Alaıda oblystyń taýly aýdandarynda aýa raıy aıtarlyqtaı sýyq bolmaq. Onkúndiktiń ortasyna qaraı túnde -5…-10°C-qa deıin aıaz túsedi. Kúndiz aýa temperatýrasy +3°C-tan aspaıdy, — delingen aqparatta.
Onkúndiktiń sońynda kún qaıta jylynady. Degenmen, bul jylymyq uzaqqa sozylmaıdy.
Qarashanyń ekinshi onkúndiginiń basynda túnde de, kúndiz de aýa temperatýrasy nólden tómendeıdi dep boljanyp otyr.
Kúndiz -2…-7°C, túnde -10…-15°C aıaz bolady. Al óńirdiń taýly aýdandarynda aýa temperatýrasy -20°C-qa deıin tómendeýi múmkin. Onkúndiktiń sońyna qaraı kún sál jylynady.
— Qarashanyń úshinshi onkúndiginiń basynda qaıtadan aýa raıy sýytady. Kúndiz aýa temperatýrasy 0…-5°C aralyǵynda bolsa, túnde -8…-13°C-qa deıin tómendeıdi. Taýly aýdandarda aıaz -18°C-qa deıin jetýi múmkin. Aıdyń sońyna qaraı kún birshama jylynady, — delingen habarlamada.
Aılyq jaýyn-shashyn mólsheri klımattyq normadan joǵary bolady dep kútilýde. Qarasha boıy jańbyr men qar jaýady. Keı kúnderi boran soǵýy yqtımal.
Eske salsaq, osyǵan deıin Qazaqstannyń birqatar óńirinde 18 qazanda aýa raıy kúrt buzylatyndyǵy habarlanǵan.
