ShQO-da karantındik shekteý sharalary jeńildetiledi

ÓSKEMEN. QazAqparat – ShQO Bas memlekettik sanıtarlyq dárigeri mindetin atqarýshynyń jańa qaýlysy shyqty, dep habarlaıdy QazAqparat tilshisi.

Qaýlyda jazylǵandaı, óńirdegi shekteý sharalary 7 naýryzǵa deıin uzartyldy. Dese de 8 aqpannan bastap eki apta boıy Shyǵys Qazaqstan turaqty túrde «jasyl» aımaqta kele jatqandyqtan karantın sharalary jeńildetilmek.

«Qoǵamdyq tamaqtaný obektileri aptanyń barlyq kúnderi saǵat 07.00-den 24.00-ge deıin jumys isteıdi. Ǵımarattardyń ishindegi jáne syrtyndaǵy azyq-túlik jáne basqa da taýarlardy saýdalaıtyn bazarlarǵa jumys kúnderinen bólek demalys jáne mereke kúnderinde de jumys isteýge ruqsat berildi. Saýda obektileri (sýpermarketter, gıpermarketter, saýda úıleri) aptanyń barlyq kúnderinde shekteýsiz jumys isteıdi», - delingen qujatta.

Jeksenbi kúni bazarlar men saýda nysandary saǵat 18.00-ge deıin ǵana-aq ashyq bolady.

«Bazarlar men jalpy aýdany 1000 sharshy metrden asatyn saýda obektilerinde kelýshilerdiń áleýmettik qashyqtyq pen maskalyq rejımin saqtaýyn baqylaý úshin sol mekeme qyzmetkerlerinen quralǵan sanıtarııalyq patrýlder jumys isteıtin bolady», - delingen qaýlyda.