ShQO-da karantın talaptaryn buzýdyń 50-den astam faktisi tirkeldi
Óńirde arnaıy qurylǵan monıtorıngilik toptar karantın talaptarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıd júrgizýde.
«8 sáýir kúni Óskemende 314 nysan tekserilgen. Nátıjesinde karantın talabyn buzýdyń 22 faktisi anyqtaldy. Sondaı-aq buryn tirkelgen zańbuzýshylyqtar boıynsha 175 020 teńge mólsherinde aıyppul salyndy», - delingen ShQO Aqparat ortalyǵy taratqan málimette.
Semeıde tekserý barysynda 354 nysan qamtylǵan. Shekteý sharalary men maska rejımin buzǵan 26 adam tirkeldi. 43 755 teńge mólsherinde bir hattama toltyrylyp, 510 475 teńge somasyna bes aıyppul óndirilgen.
Sondaı-aq Rıdder qalasynda monıtorıngilik toptar 72 nysandy aralady. Karantın talaptarynyń buzylýy tirkelgen joq. Biraq buryn anyqtalǵan maska rejımin buzǵandarǵa 131 265 teńge somasyna 3 aıyppul salyndy.
Budan bólek, reıdter barysynda Altaı aýdanynda 2, Kýrchatov, Shemonaıha, Glýbokoe jáne Úrjar aýdandarynda bir buzýshylyqtan anyqtaldy.
