ShQO-da karantın talaptaryn buzýdyń 20-dan astam faktisi tirkeldi

ÓSKEMEN. QazAqparat – Shyǵys Qazaqstan oblysynda shekteý sharalaryn buzýdyń 20-dan astam faktisi tirkeldi, dep habarlaıdy QazAqparat tilshisi.

Óńirde arnaıy qurylǵan monıtorıngilik toptar karantın talaptarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıd júrgizýde.

«12 sáýir kúni Óskemende 291 nysan tekserilgen. Nátıjesinde karantın talabyn buzýdyń 14 faktisi anyqtaldy. Sondaı-aq buryn tirkelgen zańbuzýshylyqtar boıynsha 554 230 teńge mólsherinde aıyppul salyndy», - delingen ShQO Aqparat ortalyǵy taratqan málimette.

Semeı qalasynda júrgizilgen tekserý barysynda shekteý sharalary men maska rejımin buzǵan 10 adam tirkeldi. 729 250 teńge mólsherinde on hattama toltyrylyp, 904 270 teńge somasynda 14 aıyppul óndirildi.

Jalpy ótken táýlikte óńirdiń qalalary men aýdandarynda 900-den astam nysan tekserilgen.