ShQO-da karantın talaptaryn buzýdyń 18 faktisi tirkeldi

ÓSKEMEN. QazAqparat – Shyǵys Qazaqstan oblysynda shekteý sharalaryn buzýdyń 18 faktisi anyqtaldy, dep habarlaıdy QazAqparat tilshisi.

Óńirde arnaıy qurylǵan monıtorıngilik toptar karantın talaptarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıd júrgizýde.

«18 sáýir kúni Óskemende 296 obektige tekserý júrgizildi. Sonyń nátıjesinde karantın talabyn buzýdyń 8 faktisi anyqtaldy. Al Semeı qalasynda 378 nysan tekserilip, shekteý sharalary men qoǵamdyq kólikterde, saýda oryndarynda maska rejımin buzǵan 10 adam tirkeldi», - delingen ShQO Aqparat ortalyǵy taratqan málimette.

Sonymen qatar monıtorıngilik toptar Rıdder, Kýrchatov qalalary men Altaı, Aıagóz, Úrjar, Ulan, Abaı, Zaısan, Glýbokoe, Besqaraǵaı jáne Kúrshim aýdandarynda reıd júrgizdi. Tekserý barysynda eshqandaı buzýshylyq tirkelmedi.