ShQO-da karantın talaptaryn buzýdyń 14 faktisi tirkeldi

ÓSKEMEN. QazAqparat – Shyǵys Qazaqstan oblysynda shekteý sharalaryn buzýdyń 14 faktisi tirkeldi, dep habarlaıdy QazAqparat tilshisi.

Óńirde arnaıy qurylǵan monıtorıngilik toptar karantın talaptarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıd júrgizýde.

«13 sáýir kúni Semeı qalasynda 328 nysan tekserilgen. Nátıjesinde karantın talabyn buzýdyń 11 faktisi anyqtaldy. Jalpy somasy 510 475 teńge bolatyn 5 hattama toltyrylǵan. Sondaı-aq buryn tirkelgen zańbuzýshylyqtar boıynsha 758 420 teńge kóleminde úsh aıyppul óndirildi», - delingen ShQO Aqparat ortalyǵy taratqan málimette.

Budan bólek, Altaı aýdanynda 143 kásipkerlik nysanǵa tekserý júrgizilip, shekteý sharalaryn buzýdyń 3 faktisi tirkelgen.