ShQO-da karantın talaptaryn buzǵandardan 656 myń teńge óndirildi
Óńirde arnaıy qurylǵan monıtorıngilik toptar shekteý sharalarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıdter júrgizýde.
«9 naýryzda Óskemende 185 obekti tekserildi. Nátıjesinde karantın talaptaryn buzýdyń tórt faktisi tirkelgen. Maska taqpaǵan dúken satýshylaryna 350 040 teńge mólsherinde aıyppul salyndy», - delingen ShQO Aqparat ortalyǵy taratqan málimette.
Semeıde júrgizilgen reıdter barysynda 311 nysan qamtylǵan. Saýda úılerinde, bazarlarda jáne qoǵamdyq kólikterde maska rejımin buzýdyń 17 faktisi anyqtaldy. 43 755 teńge kóleminde bir hattama toltyrylyp, 306 285 teńge mólsherinde 7 aıyppul óndirildi.
Shemonaıha aýdanynda 73 obektige tekserý júrgizilip, oblystyń bas sanıtarlyq dárigeri belgilegen shekteý sharalaryn buzýdyń bir faktisi tirkelgen. Naqty aıtqanda, dúkenge maskasyz kirgen turǵynǵa aıyppul salyndy.
