ShQO-da karantın shekteýleri 21 naýryzǵa deıin uzartyldy
ÓSKEMEN. QazAqparat – Shyǵys Qazaqstan oblysynda koronavırýsqa qatysty karantın shekteýleri 21 naýryzǵa deıin uzartyldy, dep habarlaıdy QazAqparat tilshisi.
ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńir boıynsha karantın 21 naýryzǵa deıin uzartyldy. Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.
Búginde koronavırýs juqtyrǵan naýqastardy emdeýge arnalǵan ınfektsııalyq statsıonarlardaǵy tósek qorynyń toltyrylý deńgeıi – 6,2%. Oblys boıynsha ınfektsııanyń reprodýktıvtik R sany – 0,624.
Osy rette, ShQO Sanıtarlyq-epıdemıologııalyq baqylaý departamenti halyqty karantın talaptary men respýblıkalyq, oblystyq Bas memlekettik sanıtarlyq dárigerlerdiń qaýlylaryndaǵy barlyq talapty saqtaýǵa shaqyrady.
