ShQO-da karantın rejımin buzǵan 220 adamnyń isi sotqa joldandy
ÓSKEMEN. QazAqparat – Shyǵys Qazaqstan oblysynda karantın rejımin buzǵan jaıaý júrginshiler anyqtalýda, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń habarlaýynsha, tártip saqshylary kóshede beıbereket júrgen turǵyndarǵa qatysty ákimshilik hattama toltyrýda. Karantın rejımin buzǵan 220 adamnyń isi sotqa joldanǵan. Olar aıyppul tóleýge mindettelip nemese 15 táýlikke deıin qamaýǵa alynýy múmkin.
«Polıtseıler kún saıyn kóshelerdi patrýldeýde. Turǵyndardyń kóbisi koronavırýs pandemııasynyń qaýiptiligin túsinip, bekitilgen shekteýlerdi qatań saqtap júr. Jaıaý júrginshilerdiń tek 1,4 paıyzy erejeni buzýda», - dep habarlady vedomstvo ókilderi.
Osy rette polıtsııa qyzmetkerleri turǵyndardan asa qajettiliksiz úıden shyqpaý kerektigin eskertip, karantın kezinde tártipti buzbaýǵa shaqyrady.
