ShQO-da karantın kezinde muqtaj jandarǵa kómektesken volonterler marapattaldy
«Aımaq volonterleri «Biz birgemiz« aktsııasyna belsendi qatysýda. Elimizde tótenshe jaǵdaı jarııalanǵan kezde damyl kórmeı muqtaj jandarǵa qol ushyn sozǵan eriktilerimiz maqtaýǵa turarlyq. Sizder-naǵyz patrıotsyzdar, elimizdiń bolashaǵy ózderińizdiń qoldaryńyzda. Bizdiń óńirde belsendi jastardyń kóp bolǵanyna qýanyshtymyn», - dedi oblys ákimi Danıal Ahmetov marapattaý saltanatynda.
Aıta keteıik, «Biz birgemiz» aktsııasy aıasynda «Jas Otan» jastar qanatynyń 520-dan astam eriktisi 25 myń jalǵyzbasty zeınetkerge, múmkindigi shekteýli jandarǵa, az qamtylǵan jáne kópbalaly otbasylarǵa azyq-túlik sebetterin jetkizýdi uıymdastyrdy. Sondaı-aq 123 Ekinshi dúnıejúzilik soǵys ardageri men 16 189 tyl eńbekkerine azyq-túlik jıyntyǵy berilgen.
Budan bólek, aktsııa aıasynda qurylǵan «Birgemiz» respýblıkalyq qoǵamdyq qorynan Shyǵys Qazaqstan oblysynda 44 myńnan astam muqtaj otbasy 50 myń teńge kóleminde birrettik kómek aldy.