ShQO-da karantın kezinde ınternet-alaıaqtarǵa aldanǵandar artty
ÓSKEMEN. QazAqparat – Shyǵys Qazaqstan oblysynda karantın kezinde ınternettegi alaıaqtardyń arbaýyna túskender 1,5 esege artqan, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, bıyl óńir boıynsha ınternettegi alaıaqtyq faktileri 22,4% ósken. Ásirese karantın kezinde taýarlardy onlaın satyp alýshylar kóbeıgende alaıaqtar iske kirisken.
«Qabyldanǵan sharalardyń nátıjesinde ınternettegi 119 alaıaq áshkerelendi. Olardyń 276 qylmysqa qatysy bar ekendigi dáleldengen. Bul rette, alaıaqtyqtyń aldyn alý maqsatynda halyqqa áleýmettik jeliler arqyly túsindirý jumystary júrgizilýde», - dedi ShQO PD bastyǵy Saǵat Mádıev.
Onyń aıtýynsha, osy jyly óńirde qylmystyń ashylý deńgeıi 7,9 paıyzǵa artqan.
Esterińizge sala ketsek, osyǵan deıin QR ІІM Krımınaldy polıtsııa departamenti basshysynyń orynbasary Erlan Omarbekov ınternet-alaıaqtarǵa aldanyp qalmas úshin ne isteý kerektigin aıtqan bolatyn.
