ShQO-da karantın kezinde as bergen er adamǵa aıyppul salyndy
ÓSKEMEN. QazAqparat – Shyǵys Qazaqstan oblysy Abaı aýdanynyń turǵyny karantın kezindegi shekteýlerdi saqtamaı, as bergen, dep habarlaıdy QazAqparat tilshisi.
ShQO aqparat ortalyǵynyń habarlaýynsha, asqa kelgen qonaqtardyń birinen keıinnen koronavırýs anyqtalǵan. Qazirgi ýaqytta asqa qatysqan 30 adam úı karantınine oqshaýlandy. Aýdanda vırýstyń odan ármen taralýyna tosqaýyl qoıý maqsatynda tıisti jumystar júrgizilýde. Juqpaly dertke shaldyqqan azamattyń úıi qorshaýǵa alynyp, dezınfektsııalanǵan.
«Asty uıymdastyrǵan Abaı aýdany, Qasqabulaq aýylynyń 42 jastaǵy turǵyny QR Ákimshilik quqyqbuzýshylyq týraly Kodekstiń 476-babyna sáıkes jaýapqa tartyldy. Sot sheshimimen ol 10 AEK kóleminde aıyppul tóleýge mindettelgen», - delingen málimette.
Osy rette ShQO Polıtsııa departamenti óńir turǵyndaryn karantın kezindegi shekteý sharalaryn qatań saqtaýǵa shaqyrady.
