ShQO-da karantın kezinde 22 myń adam júrgizýshi kýáligin onlaın aýystyrǵan
Qazirgi ýaqytta memlekettik qyzmetterdiń 85,5%-y elektrondyq formatqa kóshirilip, qyzmetterdi alý rásimi jeńildetilgen.
Oblysta memlekettik qyzmetterdi onlaın alatyn turǵyndar sany kóbeıip keledi. Oǵan qosa pandemııaǵa baılanysty elektrondyq úkimet portalyna degen suranys artqan.
«Azamattarǵa arnalǵan úkimet» memlekettik korporatsııasy» KE AQ Shyǵys Qazaqstan oblystyq fılıalynyń dırektory Azamat Esembýlovtyń aıtýynsha, ótken jyly aımaq turǵyndary 430 myńnan astam qyzmetti ózdiginen alsa, bıyl bul kórsetkish 620 myńnan asyp otyr.
«Sáýirden bastap eldegi karantındik rejımge sáıkes HQKO-nyń jumysy toqtatyldy. Osy ýaqytta elektrondyq úkimet portalynda 1414 call-ortalyqtary bar «vırtýaldy assıstent« qyzmeti iske qosyldy. Bizdiń mamandarda qyzmet alýshynyń uıaly telefonyn arnaıy bazaǵa bekitý, beıneqońyraýlar arqyly azamattarǵa keńes berý múmkindigi paıda boldy, – dedi ol.
Onyń aıtýynsha, óńirdegi arnaıy HQO-da bıyl kólikti tirkeý boıynsha 131 myń qyzmet, júrgizýshi kýálikteri boıynsha 62 myń memlekettik qyzmet kórsetilgen.
Sondaı-aq 23 myńǵa jýyq azamat kólik quralyn qaıta tirkep, 22 myńnan astam adam júrgizýshi kýáligin onlaın aýystyrdy.
