ShQO-da karantın buzǵandarǵa bir kúnde 700 myń teńge aıyppul salyndy

ÓSKEMEN. QazAqparat – Shyǵys Qazaqstan oblysynda shekteý sharalarynyń saqtalýyn baqylaıtyn monıtorıng toptary kezekti reıd júrgizdi, dep habarlaıdy QazAqparat tilshisi.

25 qarasha kúni júrgizilgen reıd barysynda Óskemende shekteý sharalaryn buzýdyń 3 faktisi anyqtalǵan.

Rıdder qalasynda 4 reıd ótip, 70 nysan qamtyldy. Nátıjesinde 3 fakti tirkelip, 125 010 teńge kóleminde 3 aıyppul salyndy.

«Glýbokoe aýdanynda 108 nysanda 18 reıd júrgizilip, maska rejımin buzǵan 2 turǵyn tirkeldi. Aıagóz aýdanynda karantın talabyna baǵynbaǵan 3 adam 401 810 teńge aıyppul arqalady. Zaısan aýdanynda 7 nysan tekserilip, 1 hattama toltyryldy, salynǵan aıyppul mólsheri – 41 670 teńge» delingen ShQO Aqparat ortalyǵy taratqan málimette.

Sonymen qatar Shemonaıha aýdanynda 32 nysanda reıd júrgizilip, 2 zańbuzýshylyq anyqtaldy.

Al Besqaraǵaı aýdanynda 3 adamǵa 125 010 teńge aıyppul salynǵan.

Sanıtarlyq normalardy buzýdyń eń jıi tirkeletin faktisi – maska rejımin saqtamaý.