ShQO-da qar qursaýynda qalǵan kólikterden 150 adam qutqaryldy
ÓSKEMEN. QazAqparat - Shyǵys Qazaqstan oblysynda «Óskemen-Almaty» jolynyń boıynda qar qursaýynda qalǵan 90 kólikten 150 adam qutqaryldy, dep habarlaıdy QazAqparat QR ІІM TJK baspasóz qyzmetine silteme jasap.
«Shyǵys Qazaqstan oblysynda keshki saǵat 20:00-de qarda turip qalǵan kólikter keptelisinen 150 adam evakýatsııalandy. Atalmysh ýchaskege jaqyn Taskesken aýylynyń turǵyndary jeke kólikterimen azamattardy qaýipti tustan alyp ketip jatyr», - delingen habarlamada.
Sondaı-aq, oblys ákimdiginde shtab quryldy.
«Óskemen qalasynan atalmysh ýchaskege jol tańdamaıtyn 7 kólikpen ShÓAJQO qutqarýshylary attandy. Sonymen qatar, qar qursaýynda qalǵan kólikterin tastap ketýden bas tartqan azamattar azyq-túlikpen qamtamasyz etiledi», - delingen habarlamada.
Eske sala ketsek, qatty boran kezinde «Almaty-Óskemen» tasjolynda 90 kólik qar qursaýynda qalǵanyn, osy kólikterden 25 adam onyń ishinde 4 bala qutqarylǵanyn habarlaǵan bolatynbyz.
