ShQO-da qar qursaýynda qalǵan eki balyqshy qutqaryldy
ÓSKEMEN. QazAqparat – Shyǵys Qazaqstan oblysynda qutqarýshylar men polıtseıler eki balyqshyny qar qursaýynan alyp shyqty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 17 qańtarda eki balyqshy Kamenskoe sý qoımasyna qaraı bara jatqan. Jolda olardyń Nissan kóligi qar qursaýynda qaldy.
«Áýelde er adamdar kólikti ózderi shyǵarmaqqa árekettenedi. Alaıda odan qaıyr bolmaǵan soń qutqarýshylardy shaqyrǵan. Oqıǵa ornyna Ulan aýdanyndaǵy №34 órt sóndirý bólimshesiniń qyzmetkerleri men polıtseıler bardy. Birlese áreket etken olar kólikti qardan shyǵardy», - dep habarlady vedomstvo ókilderi.
Osy rette, TJD mamandary óńir turǵyndaryna alys saparǵa shyqqan kezde Darmen mobıldi qosymshasy arqyly joldardyń jaı-kúıi týraly aldyn ala bilip alýǵa keńes beredi.
