ShQO-da qar qursaýynda qalǵan balyqshylar qutqaryldy
ÓSKEMEN. QazAqparat – Shyǵys Qazaqstan oblysy Kúrshim aýdanynda qar qursaýynda qalǵan balyqshylar qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, daýyldy eskertýge qaramastan balyq aýlaýǵa shyǵatyndar joq emes.
«Aýa raıynyń qolaısyzdyǵy, naqty aıtqanda qatty jel men qalyń qarda jolǵa shyǵýǵa bolmady. Muny eskermegen kúrshimdikter balyq aýlaýǵa attanǵan. Alaıda kólikteri qarǵa batyp qalǵan olar qutqarýshylardan kómek surady. Jedel qutqarý jasaǵy men Kúrshim aýdanyndaǵy №30 órt sóndirý bóliminiń qyzmetkerleri oqıǵa ornyna shuǵyl jetti», - delingen aqparatta.
Kóp uzamaı kólik qar qursaýynan shyǵaryldy. Balyqshylar evakýatsııalaýdan bas tartty.
Osy rette, TJD turǵyndarǵa alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.
