ShQO-da qar qursaýynda qalǵan 8 adam qutqaryldy
ÓSKEMEN. QazAqparat – Shyǵys Qazaqstan oblysynda qutqarýshylar qarǵa batqan kólik júrgizýshilerine kómekke kelýde, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, keshe Ulan aýdanyndaǵy tasjolda qar qursaýynda qalǵan «Nıva» jáne «Land Krýzer» avtokólikteriniń júrgizýshilerinen habar túsken.
«Qutqarýshylar oqıǵa ornyna birden attandy. Eki kólik arnaıy tehnıkanyń kómegimen qardan shyǵaryldy. Budan bólek, Shemonaıha aýdanynda «Mersedes Sprınter» jáne «VAZ» kólikteri jolda qalǵan. Olarǵa da kómek kórsetildi. Barlyǵy 8 adam evakýatsııalandy», - dep habarlady vedomstvo ókilderi.
Osy rette, TJD óńir turǵyndaryna alys saparǵa shyqqan kezde «Darmen» mobıldi qosymshasy arqyly joldardyń jaı-kúıin aldyn ala bilip alýǵa keńes beredi. Sondaı-aq qandaı da bir qıyn jaǵdaıǵa tap bolǵanda 112 nómirine qońyraý shalý kerektigin aıtady.
